Deur God se Genade

Waak daarteen dat u kind nie te vinnig met formele onderrig begin nie. Indien u self u kind wil leer skryf, of iemand by die kleuterskool doen of u kind wil hom/haar- self leer – let asb op of u kind die potlood reg vashou en ook die letters of syfers op die regte manier vorm. Verkeerde gebruike word nie weer maklik afgeleer nie. Moet dus nie te vinnig u kind ryp druk nie. In 2019 het ons by Konkrete Wiskunde begin om na die Junie vakansie individuele klasse vir ‘n paar Gr R-leerders aan te bied. Ons is nog nie gereed om Gr R-leerders amptelik vir groepsklasse in te skryf nie, maar sal in die toekoms daarna kyk.